Pushpa 2 Exclusive Update : అల్లు అర్జున్- సుకుమార్ కాంబినేషన్‌లో వచ్చిన ‘ఆర్య’, ‘ఆర్య 2’ సినిమాలు కల్ట్ క్లాసిక్ సినిమాలుగా నిలిచాయి. ఈ కాంబోలో వచ్చిన ‘పుష్ప 1: ది రైజ్’ సినిమా అంచనాలను అందుకోలేకపోయింది. తెలుగు రాష్ట్రాల్లో అనుకున్నంత కలెక్షన్లు రాబట్టలేకపోయినా, బాలీవుడ్‌లో రూ.100 కోట్లు కొల్లగొట్టింది. దీంతో ‘పుష్ప 2’ సినిమాపై అంచనాలు భారీగా ఉన్నాయి. ఈ సినిమా కచ్ఛితంగా రూ.1000 కోట్ల క్లబ్‌లో చేరుతుందని అంచనా వేస్తున్నారు ట్రేడ్ పండితులు..
Prabhas : హను ప్రేమ కథలో.. ప్రభాస్ జోడిగా మృణాల్ ఠాకూర్..
ఇటీవల ఈ సినిమా రిలీజ్ డేట్‌ని ప్రకటించింది చిత్ర యూనిట్. 2024, ఆగస్టు 15న స్వాతంత్య్ర దినోత్సవం నాడు ‘పుష్ప’ రూల్ చేయడానికి థియేటర్లలో దిగుతున్నాడు. ఇదే రోజున రెండు పాన్ ఇండియా సినిమాలు కూడా రిలీజ్ కాబోతున్నాయి. కమల్ హాసన్ ‘భారతీయుడు 2’ (Indian 2), అజయ్ దేవ్‌గణ్ ‘సింగం అగైన్’ (Singham Again) సినిమాలు ఆగస్టు 15న విడుదలకు షెడ్యూల్ చేయబడ్డాయి.
రిలీజ్ డేట్ దగ్గర పడుతుండటంతో షూటింగ్ లో వేగం పెంచారు చిత్ర యూనిట్. తాజాగా వైజాగ్ లో షూటింగ్ కంప్లీట్ చేసుకున్న పుష్పరాజ్, వెంటనే హైదరాబాద్ లో షూట్ కి సిద్ధమయ్యాడు. లేటెస్ట్ అప్డేట్ ప్రకారం ఈ నెల 15 నుంచి హైదరాబాద్ లోని రామోజీ ఫిల్మ్ సిటీలో షూటింగ్ జరగనుంది. గత కొన్నిరోజులుగా అల్లు అర్జున్ రాత్రిపగలు పుష్ప షూటింగ్ షూటింగ్ లోనే బిజీబిజీగా ఉంటున్నాడు.
Actor Suriya : విజయ్ రిజెక్ట్ కథతో మూడు సీక్వెల్స్ చేసిన సూర్య..
రష్మీక మందన్న బన్నీకి జోడి కట్టగా, సునీల్, అనసూయ, ఫహాద్ ఫాజిల్ తో పాటు జగపతిబాబు కూడా కీలకమైన పాత్రలో నటిస్తున్నట్టు సమాచారం. రాక్ స్టార్ దేవీశ్రీ ప్రసాద్ ఈ చిత్రానికి మ్యూజిక్ అందిస్తున్నాడు. పక్కా ప్లానింగ్ తో బరిలోకి దిగుతున్న పుష్ప 2 ఎన్ని రికార్డులను బద్దలు కొడుతుందో.. పుష్ప రాజ్ ప్రేక్షకులను ఎంతగా ఆకట్టుకుంటాడో చూడాలి.