RajKot Airport Incident : న్యూఢిల్లీలోని ఇందిరా గాంధీ ఇంటర్నేషనల్ ఎయిర్‌పోర్ట్ టెర్మినల్-1 యొక్క విషాద సంఘటన మరవక ముందే మరో ఘటన చోటు చేసుకుంది. శనివారం భారీ వర్షాల కారణంగా గుజరాత్‌లోని రాజ్‌కోట్ విమానాశ్రయం వెలుపల ప్రయాణీకుల పికప్ మరియు డ్రాప్ ప్రాంతం వద్ద ఒక పందిరి కూలిపోయింది.
అయితే ఇలాంటి ప్రాణ నష్టం జరగలేదు. నైరుతి రుతుపవనాలు రాష్ట్రంలోకి ప్రవేశించడంతో గుజరాత్‌లో భారీ వర్షాలు కురుస్తున్నాయి. కొన్ని ప్రాంతాల్లో భారీ నుంచి అతి భారీ వర్షాలు కురుస్తాయని అంచనా వేసిన నేపథ్యంలో కచ్, రాజ్‌కోట్, దేవభూమి ద్వారక, గిర్ సోమనాథ్, భావ్‌నగర్, నర్మదా, వల్సాద్ జిల్లాల్లో జాతీయ విపత్తు ప్రతిస్పందన దళం (NDRF)కి చెందిన ఏడు బృందాలను మోహరించారు.
Delhi News : వరదలను ఎదుర్కొనేందుకు సిద్ధమైన ఢిల్లీ..
ఢిల్లీలోని ఇందిరా గాంధీ ఇంటర్నేషనల్ ఎయిర్‌పోర్ట్‌లోని టెర్మినల్ 1 వద్ద తెల్లవారుజామున పైకప్పు యొక్క ఒక భాగం కూలిపోయిన ఒక రోజు అనంతరం ఈ సంఘటన జరిగింది. ఢిల్లీ ఘటనలో 45 ఏళ్ల క్యాబ్ డ్రైవర్‌ మరణించగా.. మరో ఎనిమిది మంది గాయపడ్డారు.
ఈ సంఘటన అనంతరం రోజుకు దాదాపు 200 విమానాలను నడిపే టెర్మినల్ 1 నుండి కార్యకలాపాలు నిరవధికంగా నిలిపివేశారు. ఢిల్లీ ఇంటర్నేషనల్ ఎయిర్‌పోర్ట్ లిమిటెడ్ (DIAL) నిర్వహిస్తున్న ఢిల్లీ ఎయిర్‌పోర్ట్, టెర్మినల్ 1 యొక్క పాత డిపార్చర్ ఫోర్‌కోర్ట్‌లో శుక్రవారం తెల్లవారుజామున 5 గంటలకు పాక్షికంగా కూలిపోయిందని తెలిపింది. కుప్పకూలడానికి గల కారణాలు ఇంకా తెలియనప్పటికీ, భారీ వర్షాలు మరియు గాలుల కారణంగా ఇది సంభవించినట్లు అనుమానిస్తున్నారు.
Vande Bharat: వందే భారత్ రైళ్లలో టికెట్ లేకుండా ప్రయాణం..
పౌర విమానయాన శాఖ మంత్రి రామ్ మోహన్ నాయుడు కింజరాపు మృతుల కుటుంబానికి ₹20 లక్షలు మరియు స్వల్పంగా గాయపడిన వారికి ₹3 లక్షల చొప్పున పరిహారం ప్రకటించారు. అలాంటి సంఘటనలు జరగకుండా ఉండేందుకు దేశవ్యాప్తంగా ఉన్న అన్నీ విమానాశ్రయాల్లో నిర్మాణాత్మక ప్రాథమిక తనిఖీని చేపట్టాలని మంత్రిత్వ శాఖ ఆదేశించింది.
మధ్యప్రదేశ్‌లోని జబల్‌పూర్ విమానాశ్రయంలో భారీ వర్షాల మధ్య నీరు చేరడంతో ఫ్యాబ్రిక్ పందిరిలో కొంత భాగం గురువారం కూలిపోయి కింద ఆగి ఉన్న కారు నుజ్జునుజ్జయింది. అయితే ఈ ఘటనలో ఎవరికీ గాయాలు కాలేదు.