Pushpa 2 Update : అల్లు అర్జున్ ‘పుష్ప 2: ది రూల్’ సినిమాపైన అంచనాలు భారీగా ఉన్నాయి. ఈ ఏడాది షూర్ షాట్ రూ.1000 కోట్లు కొల్లగొట్టే సినిమాగా ‘’పుష్ప 2′ మూవీని చూస్తున్నారు ట్రేడ్ పండితులు. ఆగస్టు 15న ప్రపంచవ్యాప్తంగా దాదాపు 7 భాషల్లో విడుదల కాబోతోంది ‘పుష్ప 2’ మూవీ. సుకుమార్ దర్శకత్వం వహిస్తున్న ఈ సినిమాలో రష్మిక మంధాన హీరోయిన్. అయితే ‘పుష్ప 2’ మూవీకి ఊహించని షాక్ తగిలింది.
ఈ మూవీ నుంచి ఎడిటర్ ఆంటోనీ రూబెన్ తప్పుకున్నారు. ప్రస్తుతం వేరే సినిమాలతో బిజీగా ఉండడం వల్లే ఆంటోనీ రూబెన్, ‘పుష్ప 2’ మూవీ నుంచి తప్పుకున్నాడని అంటున్నారు. ‘పుష్ప 1: ది రైజ్’ సినిమాకి ఎడిటర్‌గా వ్యవహరించిన ఆంటోనీ రూబెన్, ప్రస్తుతం వరుణ్ ధావన్- అట్లీ కాంబోలో వస్తున్న ‘బేబీ’ సినిమాకి ఎడిటర్‌గా ఉన్నాడు.
Allu Arjun Vs Mega Family : నాగబాబుపై అల్లు అర్జున్ ఫ్యాన్స్ సైబర్ అటాక్.. ట్విట్టర్ నుంచి అవుట్..
ఆంటోనీ రూబెన్ ప్లేస్‌లో నవీన్ నూలిని ఎడిటర్‌గా తీసుకొచ్చింది ‘పుష్ప 2’ టీమ్. ఇంతకుముందు సుకుమార్ దర్శకత్వంలో వచ్చిన ‘నాన్నకు ప్రేమతో’, ‘రంగస్థలం’ వంటి సూపర్ హిట్ సినిమాలకు ఎడిటర్‌గా వ్యవహరించాడు నవీన్ నూలి..
ఈ ఏడాది ‘గుంటూర్ కారం’, ‘ఆపరేషన్ వాలెంటైన్’, ‘టిల్లు స్క్వైర్’ వంటి సినిమాలకు ఎడిటర్‌గా వ్యవహరించాడు నవీన్ నూలి. వీటితో పాటు విశ్వక్ సేన్ ‘గ్యాంగ్స్ ఆఫ్ గోదావరి’, దుల్కర్ సల్మాన్ ‘లక్కీ భాస్కర్’, నాగచైతన్య ‘తండేల్’, పవన్ కళ్యాణ్ ‘They Call Him OG’ సినిమాల ఎడిటర్ కూడా నవీన్ నూలియే. అలాగే రవితేజ, గోపిచంద్ మలినేని కాంబోలో వస్తున్న నాలుగో సినిమాకి కూడా నవీన్ నూలియే ఎడిటర్..