Pushpa 2 Teaser : అల్లు అర్జున్, సుకుమార్ కాంబినేషన్‌లో వచ్చిన ‘పుష్ప: ది రైజ్’ మూవీ తెలుగు రాష్ట్రాల్లో యావరేజ్‌గా నిలిచింది. టికెట్ రేట్లు చాలా తక్కువగా ఉండడంతో ఆంధ్రాలో ఈ మూవీకి భారీ నష్టాలు వచ్చాయి. అయితే హిందీ డబ్బింగ్ వర్షన్‌కి రూ.100 కోట్లు రావడంతో హిట్టు సినిమాగా నిలిచింది. ఏ మాత్రం ప్రమోషన్ లేకుండా హిందీలో రిలీజ్ చేసిన ‘పుష్ప’ మూవీ, రూ.100 కోట్లు రాబట్టిందంటే అది అల్లు అర్జున్ హిందీ యూట్యూబ్ డబ్బింగ్ సినిమాల ఎఫెక్టే.
ఈ సినిమాలో నటనకు బన్నీ నేషనల్ అవార్డు కూడా గెలిచాడు. దీంతో ‘పుష్ప 2’ మూవీపై హైప్ మామూలుగా లేదు. అల్లు అర్జున్ బర్త్ డే సందర్భంగా ఈ మూవీ టీజర్ విడుదల అయ్యింది. టీజర్ అని చెప్పడం కంటే ఇది గ్లిప్స్ అని చెప్పడమే బెటర్ ఏమో… గంగమ్మ జాతర గెటప్‌, ఫైట్ సీన్‌లో కొన్ని షాట్స్ మాత్రమే రిలీజ్ చేసి టీజర్ అని సర్దిపెట్టుకోమనేసినట్టు ఉంది.
Mega Family : మెగా ఫ్యామిలీకి వ్యతిరేకంగా పావులు కదుపుతున్న అల్లు ఫ్యామిలీ..
ఈ మూవీ ఆగస్టు 15న రిలీజ్ కావాల్సి ఉంది. 3 నెలల ముందు టీజర్ కట్‌కి కూడా సరైన ఫుటేజీ లేదంటే, అనుకున్న సమయానికి ఈ మూవీ రావడం అనుమానమే. ఒకవేళ ఆగస్టు 15న ‘పుష్ప’ సైడ్ అయితే ఆ ప్లేస్ కోసం చాలా సినిమాలు వెయిట్ చేస్తున్నాయి. అక్టోబర్‌కి వెళ్లిన ఎన్టీఆర్ ‘దేవర’ మూవీతో పాటు రామ్ చరణ్ ‘గేమ్ ఛేంజర్’, పవన్ కళ్యాణ్ ‘ఓజీ’ వంటి సినిమాలు ఈ డేట్ కోసం కాచుకుని కూర్చున్నాయి.. అయితే టీజర్‌లో కూడా ఆగస్టు 15న ‘పుష్ప’ ఎంట్రీ ఉంటుందనే ప్రకటించారు. అయితే ఇంకా 30 శాతం దాకా షూటింగ్ బాకీ ఉందని టాలీవుడ్ టాక్. అదే నిజమైతే డేట్స్ అటు ఇటుగా కావడం పక్కా..