Kalki Ticke Booking issue : ప్రభాస్ నటించిన ‘కల్కి 2898AD’ మూవీ, జూన్ 27న విడుదల అవుతోంది. ఇప్పటికే తెలంగాణలో అడ్వాన్స్ బుకింగ్స్ ఓపెన్ కాగా గంటలో 70 వేల టికెట్లు అమ్ముడైపోయాయి. బుకింగ్స్ కారణంగా బుక్ మై షో సర్వర్ కూడా కాసేపు పనిచేయలేదు. ఆంధ్రా, సీడెడ్ ఏరియాలో కూడా బుకింగ్స్ ఓపెన్ అయితే ఈజీగా గంటకు 1 లక్షకు పైగా టికెట్లు అమ్ముడుపోవడం ఖాయం. అయితే జూన్ 27నే రాజశేఖర్ నటించిన ‘కల్కి’ సినిమా రీ-రిలీజ్ అవుతోంది. కూకట్‌పల్లి భ్రమరాంబ థియేటర్‌లో రాజశేఖర్ ‘కల్కి’ సినిమాని రీ-రిలీజ్ చేస్తున్నారు.
ప్రభాస్ ‘కల్కి’ మూవీ అనుకుని, రాజశేఖర్ ‘కల్కి’ సినిమా టికెట్లు బుక్ చేసుకున్నారు చాలామంది. ప్రశాంత్ వర్మ దర్శకత్వంలో వచ్చిన రాజశేఖర్ ‘కల్కి’ మూవీకి సంబంధించిన 30 షోస్ హౌస్ ఫుల్ అయిపోయాయి. ప్రభాస్ నటించిన ‘కల్కి’ మూవీ అనుకుని, 2898AD చూడకుండా… రాజశేఖర్ నటించిన ‘కల్కి’ మూవీకి టికెట్లు కూడా బుక్ చేసుకున్నారు. ఈ రకమైన రెస్పాన్స్‌ రావడం చూసి రాజశేఖర్ కూడా అవాక్కయ్యాడు..
Awe Movie : హనుమాన్ డైరెక్టర్ ఫస్ట్ మూవీ ‘అ!’ చూశారా? ప్రశాంత్ వర్మ సినిమాటిక్ బ్రిలియెన్స్..
‘నాకేం సంబంధం లేదు..’ అంటూ ట్వీట్ చేసి, ‘కల్కి 2898AD’ సినిమా రిలీజ్ సందర్భంగా ప్రభాస్‌కి, డైరెక్టర్ నాగ్ అశ్విన్‌కి అభినందనలు తెలిపాడు రాజశేఖర్. ఈ ట్వీట్‌కి రియాక్ట్ అయిన రాజశేఖర్ కూతురు శివాత్మిక రాజశేఖర్, ‘మై ఫాదర్.. లివింగ్ లెజెండ్’ అంటూ కామెంట్ చేసింది. ప్రభాస్ ‘కల్కి’ అనుకుని, రాజశేఖర్ నటించిన ‘కల్కి’ సినిమా టికెట్లు బుక్ చేసుకున్నవాళ్లు, కంప్లైంట్ చేస్తే… రెబల్ స్టార్ మూవీకి టికెట్లు ఇస్తామని హామీ ఇచ్చింది బుక్ మై షో యాప్..