Harihara Veeramallu : అప్పుడెప్పుడో కరోనాకి ముందు క్రిష్ జాగర్లమూడి దర్శకత్వంలో పవన్ కళ్యాణ్ హీరోగా అనౌన్స్ చేసిన ప్రాజెక్ట్ ‘హరిహర వీరమల్లు’… 17వ శతాబ్దానికి స్వాతంత్య్ర సమరయోధుడు వీరమల్లు పాత్రలో పవన్ కళ్యాణ్ నటిస్తున్నాడని తెలియగానే ఈ సినిమాపై అంచనాలు భారీగా పెరిగిపోయాయి. అయితే ఈ సినిమా నాలుగేళ్లుగా రిలీజ్‌కి నోచు కోలేదు. ఆ మూవీ తర్వాత పవన్ సైన్ చేసిన సినిమాలు రెండు థియేటర్లలోకి వచ్చాయి, వెళ్లాయి కూడా..
Pawan Kalyan OG : ఆ ఇద్దరు హీరోలతో పోటీ పడుతున్న పవర్ స్టార్..
ఈ మూవీ డైరెక్టర్ క్రిష్ జాగర్లమూడి, ప్రస్తుతం అనుష్క శెట్టితో సినిమా చేయడానికి రెఢీ అవుతున్నాడు. దీంతో పవన్ కళ్యాణ్, దర్శకుడు క్రిష్ మధ్య విబేధాలు వచ్చాయని, అందుకే డైరెక్టర్ ఈ మూవీ నుంచి తప్పుకున్నాడని వార్తలు వచ్చాయి. తాజాగా ఈ మూవీపై అప్‌డేట్ ఇచ్చింది హరిహర వీరమల్లు చిత్ర యూనిట్..
‘పవర్ స్టార్ ఫ్యాన్స్, సినిమా లవర్స్ కోసం హరి హర వీర మల్లు సినిమా గురించి ఎదురుచూస్తున్న ఫ్యాన్స్‌కి ఓ విషయం చెప్పాలని అనుకుంటున్నాం. ప్రస్తుతం ఈ ప్రతిష్టాత్మక సినిమా వీఎఫ్‌‌ఎక్స్ వర్క్ కెనడా, ఇరాన్, బెంగళూరు, చెన్నై, హైదరాబాద్‌లో జరుగుతోంది. మీ ఊహలకు అందని విధంగా ఈ సినిమా ఉండబోతోంది. త్వరలోనే స్పెషల్ ప్రొమో విడుదల చేస్తాం..’ అంటూ ప్రెస్ నోట్ రిలీజ్ చేసింది హరిహర వీర మల్లు చిత్ర యూనిట్.. ఈ ఏడాది సెప్టెంబర్‌ 27న ‘ఓజీ’ మూవీ వస్తుండడంతో వచ్చే ఏడాది సంక్రాంతికి వీరమల్లు వచ్చే అవకాశం ఉంది.