Devara Collections : ఎన్టీఆర్ నటించిన దేవర చిత్రం భారీ అంచనాల మధ్య విడుదలై బాక్సాఫీస్‌ని షేక్ చేస్తోంది. కేవలం 4 రోజుల్లోనే ప్రపంచవ్యాప్తంగా రూ. 168.26 కోట్ల షేర్, రూ. 285.80 కోట్ల గ్రాస్ వసూలు చేయడం విశేషం. ప్రత్యేకంగా తెలుగు రాష్ట్రాల్లో ఆంధ్రప్రదేశ్, తెలంగాణలో ఈ చిత్రం సెన్సేషనల్ రన్ కొనసాగిస్తోంది.
తెలుగు రాష్ట్రాల్లో నాలుగు రోజుల్లోనే రూ. 104.24 కోట్ల షేర్ (గ్రాస్ రూ. 144.75 కోట్లు) రాబట్టిన ఈ సినిమా, ఎన్టీఆర్ కెరీర్‌లోనే అత్యధిక వసూళ్లు సాధించే చిత్రం అవుతుందని ట్రేడ్ వర్గాల అంచనా. ఒక్క నైజాంలోనే నాలుగు రోజుల్లో రూ. 41.29 కోట్లు షేర్ రాబట్టింది. ఇక, సీడెడ్, ఉభయ గోదావరి, కృష్ణా, గుంటూరు ప్రాంతాల్లోనూ భారీ వసూళ్లు నమోదవుతున్నాయి.
DEVARA Movie Review in Telugu:ఫ్యాన్స్‌కి పూనకాలే.. కొరటాల శివ కమ్‌బ్యాక్ ఇచ్చినట్టే కానీ…
కేవలం తెలుగు రాష్ట్రాల్లోనే కాకుండా, ఇతర ప్రాంతాల్లో కూడా దేవర తన దూకుడును కొనసాగిస్తుంది. కర్ణాటకలో రూ. 12.40 కోట్లు, తమిళనాడు, కేరళ, హిందీ మార్కెట్, అలాగే ఓవర్సీస్‌లో కూడా సినిమా సత్తా చాటుతోంది. విశేషం ఏమిటంటే, నాలుగు రోజుల్లోనే ఓవర్సీస్ మార్కెట్‌లో రూ. 30.15 కోట్ల షేర్ వసూలు కావడం.
ఇంత భారీ వసూళ్లు సాధించిన దేవర, ఎన్టీఆర్ కెరీర్‌లోనే భారీ హిట్‌గా నిలవబోతోందని సినీ విశ్లేషకులు అభిప్రాయపడుతున్నారు. అలాగే దసరా సందర్భంగా దేవరలో కొన్ని కొత్త సీన్స్ యాడ్ చేసి విడుదల చేయనున్నారు. ఇందులో దావుదీ సాంగ్ తో పాటు, హీరోయిన్ జాన్వీ సీన్స్ పెరిగే అవకాశం ఉంది.