Akshay Kumar : మంచు విష్ణు వర్థన్ బాబు, భారీగా ఖర్చు పెట్టి, అత్యంత ప్రతిష్టాత్మకంగా తెరకెక్కిస్తున్న చిత్రం ‘కన్నప్ప’. ఇందులో ప్రభాస్‌తో పాటు అక్షయ్ కుమార్, మోహన్ లాల్, కంగనా రనౌట్, మోహన్ బాబు, శరత్ కుమార్ ముఖ్య పాత్రల్లో నటిస్తున్నారు. దాదాపు రూ.200 కోట్ల బడ్జెట్‌తో రూపొందుతున్న ‘కన్నప్ప’ మూవీలో అక్షయ్ కుమార్ శివుడిగా కనిపించబోతున్నాడని కొందరు అంటుంటే, లేదు ప్రభాస్, పరమ శివుడి పాత్రలో కనిపిస్తాడని మరికొందరు అంటున్నారు..
ఈ సినిమా షూటింగ్‌ కోసం 4 రోజుల కాల్షీట్ మాత్రమే ఇచ్చాడు అక్షయ్ కుమార్. ఇందు కోసం రూ.6 కోట్ల రెమ్యూనరేషన్ తీసుకున్నట్టు టాక్. నిజానికి అక్షయ్ కుమార్‌కి ఇంతకి రెండింతలు డిమాండ్ చేయాలని అనుకున్నాడట. అయితే ఈ మధ్య అక్షయ్ కుమార్ ట్రాక్ రికార్డు ఏమీ బాలేదు. గత ఐదేళ్లలో అక్షయ్ కుమార్ నటించిన సినిమాల్లో ‘OMG 2’ తప్ప, మిగిలిన సినిమాలన్నీ భారీ డిజాస్టర్లుగా నిలిచాయి. ఈ కారణంగానే రోజుకి రూ.1.5 కోట్లు మాత్రమే అడిగాడట అక్షయ్..
Pawan Kalyan : గెలిచినా, ఓడినా ఆయనెప్పుడూ పవర్ స్టారే!
ఈ ఏడాది ‘మిషన్ రాణిగంజ్’ తర్వాత టైగర్ ష్రాఫ్‌తో తీసిన ‘బడే మియాన్ చోటే మియాన్’ మూవీ, బాక్సాఫీస్ దగ్గర ఘోరంగా బోల్తా కొట్టింది. ఈ మూవీ కారణంగా బయ్యర్లకు దాదాపు రూ.250 కోట్లకు పైగా నష్టాలు మిగిలాయి..అయినా అక్షయ్ కుమార్ ఏ మాత్రం స్పీడ్ తగ్గించలేదు.
ఈ ఏడాది అక్షయ్ కుమార్ ఏకంగా మరో 6 సినిమాలను రిలీజ్ చేయబోతున్నాడు. ‘సింగం అగైన్’, ‘కన్నప్ప’ సినిమాల్లో స్పెషల్ రోల్స్ చేస్తున్న అక్షయ్ కుమార్, సూర్య నటించిన ‘ఆకాశమే నీ హద్దు’ సినిమా రీమేక్ ‘సర్ఫీరా’ మూవీని జూలైలో రిలీజ్ చేయబోతున్నాడు. అలాగే ‘ఖేల్ ఖేల్ మే’, ‘వెల్‌కమ్ టు ది జంగిల్’, ‘స్కై ఫోర్స్’ సినిమాలను ఈ ఏడాది సెకండాఫ్‌లో రిలీజ్ చేయబోతున్నాడు అక్షయ్ కుమార్..