Ranbir Kapoor’s Animal : ‘అర్జున్ రెడ్డి’ వంటి యూత్‌ ఫుల్ వైల్డ్ లవ్ స్టోరీ తర్వాత సందీప్ రెడ్డి వంగా తెరకెక్కిస్తున్న సినిమా ‘యానిమల్’. 2020 డిసెంబర్‌లో మొదలైన ఈ సినిమా, మూడేళ్లకు థియేటర్లలో దిగబోతోంది. వైల్డ్ అంటే ఎలా ఉంటుందో బాలీవుడ్‌కి ఛాలెంజ్ చేసిన సందీప్ రెడ్డి వంగా, ట్రైలర్‌లో దాన్ని పరిచయం చేశాడు కూడా..
ప్రియాంక మోహన్ ‘లవ్’లో ప్రభాస్.. ఆ ఇద్దరికీ బ్రేకప్..
చిన్నప్పటి నుంచి ప్రేమ చూపించకుండా పెంచిన తండ్రి కోసం అత్యంత క్రూరంగా హత్యలు చేసే కొడుకుగా రణ్‌బీర్ కపూర్ కనిపించబోతున్నాడు. రష్మిక మంధాన హీరోయిన్‌గా నటిస్తున్న ఈ మూవీలో రణ్‌బీర్ తండ్రిగా అనిల్ కపూర్, విలన్‌గా బాబీ డియోల్ నటిస్తున్నారు.
అయితే ఈ మూవీ రన్ టైం‌ని అధికారికంగా ప్రకటించింది చిత్ర యూనిట్. సెన్సార్ నుంచి క్లియర్‌ A సర్టిఫికెట్ పొందిన ‘యానిమల్’ రన్ టైమ్ 3 గంటల 21 నిమిషాల 23 సెకన్లు. టాలీవుడ్ వండర్ ‘బాహుబలి: ది కంక్లూజన్’ రన్ టైమ్ 3 గంటల 17 నిమిషాలు. ‘బాహుబలి’ మూవీలో వార్ సన్నివేశాలు ఉండడంతో పాటు పార్ట్ 1 సూపర్ సక్సెస్ కావడంతో వర్కవుట్ అయ్యింది. ‘యానిమల్’ దానికి మించిన రన్ టైమ్‌తో వస్తోంది.
నిత్యా మీనన్‌తో అలాంటి సీన్ చేయించాలనుకున్న చిత్ర యూనిట్.. హీరోయిన్ చేసిన పనికి..
రవితేజ హీరోగా వచ్చిన ‘టైగర్ నాగేశ్వరరావు’ 3 గంటల 2 నిమిషాల రన్ టైమ్‌తో థియేటర్లలో విడుదలైంది. ఇదే ‘టైగర్’కి బిగ్గెస్ట్ మైనస్ పాయింట్‌గా మారింది. రిలీజ్ తర్వాత 25 నిమిషాలు కత్తిరించినా అప్పటికే ఆలస్యం జరిగిపోయింది.
ఇప్పుడు ‘యానిమల్’ విషయంలోనూ అదే జరుగుతుందేమో అనే అనుమానాలు వ్యక్తం అవుతున్నాయి. ఈ మధ్యకాలంలో ఇంత లెంగ్త్ ఉన్న మూవీ ఏదీ రాలేదు. ఇది ప్రేక్షకుల సహనానికి పరీక్ష పెడుతుందా? ఎమోషనల్ రైడ్‌లో సక్సెస్ అవుతుందో తెలియాలంటే డిసెంబర్ 1 వరకూ వేచి చూడాల్సిందే.
SSMB29 కోసం సూపర్ స్టార్ కి జక్కన్న కండీషన్స్..