Baby’s Day Out 2 Trailer : 1994లో వచ్చిన క్లాసిక్ కామెడీ “బేబీ’స్ డే అవుట్”కు సీక్వెల్‌గా వస్తున్న “బేబీ’స్ డే అవుట్ 2″లో జేకబ్ జోసెఫ్ వార్టన్ మళ్ళీ బింక్ కాట్‌వెల్ పాత్రలో కనిపించనున్నారు. ఇప్పుడు బింక్, బింక్ తండ్రి కూడా పెద్ద వాళ్ళు అయ్యారు. ఈ ఆసక్తికరమైన సీక్వెల్‌లో కథ బింక్ తన బిడ్డకు మధ్య సాగుతుంది. ఒకసారి బింక్ మరియు అతని భార్య తమ పాపతో కలిసి సిటీకి ఒక రోజు ఎంజాయ్ చేయడానికి వెళ్తారు. అయితే, వారి పాపను కిడ్నాప్ చేసి డబ్బు దోచుకోవాలని చూస్తున్న ముగ్గురు మూర్ఖ క్రిమినల్స్ వారి వెనుక తిరుగుతున్నారు.
కిడ్నాప్ ప్లాన్ పూర్తిగా విఫలమవుతుంది, ఎందుకంటే పాప పక్కా బింక్ తరహాలో తప్పించుకుంటుంది. ఆ తర్వాత పాప నగరంలో ప్రమాదకరమైన స్థలాలు, మాల్‌లు, జూలో అంతులేని సాహసయాత్ర చేస్తుంది. అప్పుడప్పుడు పాప పక్కా తెలివిగా తప్పించుకుంటూ, క్రిమినల్స్ మాత్రం మూర్ఖంగా బందీలైపోతూ ఉంటారు.
ఇక బింక్, పాప కోసం వెతుకుతూ, కిడ్నాప్ చేసిన వారి మధ్య ఒక వ్యక్తిని గుర్తిస్తాడు. అతనెవరంటే, తనను చిన్నప్పుడు కిడ్నాప్ చేసిన వారిలో ఒకడు. తన చిన్నప్పటి జ్ఞాపకాలతో, అనుభవంతో, బింక్ ఆ మూర్ఖ గ్యాంగ్‌ను ఎలా ఓడించాడో తెరపై చూడాల్సిందే.
క్లాసిక్ హాస్యం, నాస్టాల్జిక్ రీకాల్స్, మోతాదు మించిన ఛేజింగ్ సీన్స్ తో “బేబీ’స్ డే అవుట్ 2” తప్పకుండా ప్రేక్షకులను ఆకట్టుకునే ఫ్యామిలీ ఎంటర్‌టైనర్ అవుతుంది.